Панядзелак, Сакавік 25, 2019
Увага!
На сайце працуе сістэма выяўлення памылак і памылак друку Orphus
Знайшлі памылку ў тэксце?
Выдзеліце яе мышкай і націсніце Ctrl + Enter  

СТУЖКА НАВІН

Анёл Панскі звеставаў Панне Марыі…

Анёл, пасланы Богам, перадае Марыі — маладой, невядомай ізраэльскай дзяўчыне — незвычайную вестку: сам Бог асабліва зацікавіўся Яе жыццём і, шануючы свабоду чалавека, пытаецца, ці хацела б Яна прыняць удзел у Яго боскім плане збаўлення чалавецтва. Заўважым, што Бог у сваім спрадвечным Провідзе прадбачыў гэтую сустрэчу, пра што мы даведваемся са Старога Запавету.

Гэтая падзея вельмі ўзрушвае. Праўду кажучы, яна знаходзіцца па-за абсягам нашага чалавечага ўяўлення. Хто мы такія? Кім з’яўляецца чалавек для Пана неба і зямлі, Стварыцеля Сусвету, што мы настолькі важныя для Яго, што Ён так любіць нас, няшчасных грэшнікаў?.. Далей усё адбывалася само, толькі дзякуючы натхненню Духа Святога.

Але ў гэтай сітуацыі мы таксама бачым чалавека, поўнага страху. Такім чалавекам, відавочна, з’яўляецца выбраная Богам Марыя, якая дзякуючы безумоўнай згодзе, дадзенай Богу, а таксама ў выніку жыцця вераю, паводле пераканання Касцёла, з душою і целам пазней была ўзятая ў неба. Несвабодным ад страху з’яўляецца і муж Марыі, Юзаф. Як чалавек ён таксама ахінуты звышнатуральнасцю…

Мы нібы становімся сведкамі паспешнасці Бога. Пан Бог моцна хоча перадаць чалавеку сваё пасланне, запэўніць яго ў сваёй вялікай любові. Таму інфармацыя, якую мы атрымліваем у звеставанні, неверагодна важная, чалавеку нават цяжка прыняць гэта: як жа Бог нас любіць, калі вырашыў ахвяраваць свайго Сына дзеля будучыні чалавека…

Аднак вернемся да сустрэчы Марыі з анёлам. Гэтае здарэнне поўнае сілы і бляску, яно ўпісваецца ў гісторыю чалавецтва як ключавая падзея. Яно ўпісваецца таксама ў агульначалавечую культуру, адбіваецца ў дзейнасці людзей, якія жывуць у розныя часы, і прымушае нас успрымаць гісторыю чалавецтва на зямлі праз прызму Божага плану. Пан Бог аб’яўляецца як Той, хто поўны моцы і сілы, але не выкарыстоўвае насілля, паважае чалавечую волю.

Марыя зачала ад Духа Святога Езуса Хрыста, сапраўднага Чалавека і сапраўднага Бога. Гэтую таямніцу мы называем уцелаўленнем, што азначае прыняцце Богам чалавечай натуры. Калі паглядзім на тое, што адбывалася далей, то ўбачым, наколькі дальнабачныя і захапляльныя Божыя справы…

Добра, калі мы будзем заўважаць, як Бог уваходзіць у чалавечае жыццё. Бог, які з’яўляецца Асобаю і поўны любові. Калі мы гаворым пра любоў, то хочам бачыць чалавечае яе праяўленне: тады яна для нас найбольш зразумелая. Таму мы ўсведамляем, што ўцелаўленне Езуса Хрыста — гэта вялікае аб’яўленне Божай любові да нас. Незвычайнасць гэтай падзеі бачна ўжо ў самым пачатку Хрыстовага прыйсця ў свет, а менавіта ў сцэне звеставання. Дзякуючы Марыі чалавецтва стала сведкам гэтай Божай любові: «Так палюбіў Бог свет, што аддаў Сына свайго Адзінароднага, каб кожны, хто верыць у Яго, не загінуў, але меў жыццё вечнае» (Ян 3, 16).

У звеставанні Пана заключана таксама вялікая філасофія чалавека, які ўспрымае сябе ў Сусвеце не як выпадковае быццё, а як Божае стварэнне, што мае вобраз і падабенства самога Стварыцеля, адораны розумам і перш за ўсё — любоўю.

Кс. Ірэнэюш Скубісь

Пошук па сайце

Артыкулы

: Как быстро продать квартиру. Хочу продать комнатную квартиру сейчас. Продать свою квартиру без посредников. Учить objective c с нуля. Качественные уроки по objective c с нуля. Блог о objective c. Гусеничные вездеходы самоделки. Лучшие вездеходы самоделки своими руками. Самоделки вездеходы своими руками видео. В каком банке взять кредит. Советуйте где можно взять выгодный кредит быстро. Какой кредит лучше взять.
Какой автомобиль купить сегодня. Посоветуйте какой автомобиль выбрать бюджетный. Хочу выбрать новый автомобиль. Как установить линукс. Где линукс официальный сайт найти. Уроки по линукс с нуля. Быстрый ремонт натяжных потолков. Качественный ремонт потолка своими руками. Ремонт потолков на кухне. Скачать шаблоны для Joomla. Где скачать Joomla шаблоны бесплатно. Скачать свежие шаблоны для Joomla.

Звязацца з намі

Націсніце на малюнак, каб яго змяніць
Сістэма Orphus